سياسة الخصوصية

خصوصيتك تهمّنا. هنا نوضّح شنو المعلومات اللي ناخذها منك، وليش، وويّا منو نشاركها.

شنو المعلومات اللي ناخذها؟

لما تطلب، تكتب بالفورم:

• اسمك.

• رقم موبايلك (ورقم ثاني إذا كتبته).

• محافظتك وعنوانك.

وتنحفظ كذلك تفاصيل الطلب نفسه: المنتج والكمية والسعر.

ليش ناخذها؟

• حتى نأكد طلبك ويّاك.

• حتى نوصّل الطلب لعنوانك.

• حتى نخدمك إذا عندك سؤال، أو تريد ترجّع، أو تطلب الضمان.

ويّا منو نشاركها؟

• شركة التوصيل بس: الاسم والموبايل والعنوان، حتى توصّلك الطلب.

• ما نبيع معلوماتك ولا ننطيها لأي جهة ثانية، إلا إذا طلبتها جهة رسمية حسب القانون.

الكوكيز وأدوات القياس

الموقع يستخدم ملفات صغيرة (كوكيز) وأدوات قياس من منصات الإعلانات (مثل ميتا وتيك توك وسناب شات)، حتى نعرف شلون الناس يستخدمون الموقع ونحسّن إعلاناتنا. هاي الأدوات ما تاخذ اسمك أو عنوانك من الفورم. وتكدر تمسح الكوكيز أو توقفها من إعدادات المتصفح.

شكد نحتفظ بالمعلومات؟

نحتفظ بمعلومات الطلب طول المدة اللي نحتاجها حتى نخدمك (الاسترجاع والضمان)، وحسب ما يطلبه القانون.

حقوقك

تكدر تطلب تشوف معلوماتك، أو تصحّحها، أو تمسحها. راسلنا على support@tibahvision.com.

المتجر تديره شركة رؤية طيبة.