الاستبدال والاسترجاع
نريدك تكون مرتاح من طلبك. إذا ما عجبك المنتج، أو وصلك بيه عيب أو غلط، تكدر ترجّعه أو تبدّله.
المدة
خلال 14 يوم من يوم استلامك للطلب.
شكد يكلّف الإرجاع؟
ولا شي. إحنا نتحمّل توصيل الإرجاع كله، سواء المنتج بيه عيب أو بس غيّرت رأيك.
الشروط
• المنتج يرجع بحالته اللي وصلك بيها، بدون استخدام يأثّر عليه (التجربة العادية ما تأثّر).
• يرجع بكارتونه وكل ملحقاته، وهداياه إذا كان وياه هدايا.
• المنتجات الشخصية إذا انفتحت ما ترجع لأسباب صحية، إلا إذا بيها عيب. وهذا الشي يكون مكتوب بصفحة المنتج إذا ينطبق عليه.
شلون ترجّع أو تبدّل؟
- خابرنا على رقم فريق التأكيد، أو راسلنا على support@tibahvision.com، واكتب اسمك ورقم موبايلك والمنتج وسبب الإرجاع (ويّا صورة إذا بيه عيب).
- فريقنا يخابرك ويرتّب ويّاك موعد.
- المندوب يجي ياخذ المنتج من عندك.
- نفحص المنتج ونبدّله، أو نرجّعلك فلوسك.
إذا المنتج وصلك بيه عيب أو غلط
راسلنا خلال 14 يوم ويّا صورة، ونبدّله بنفس المنتج أو نرجّعلك فلوسك كاملة، وإنت تختار.